د ITU غړو هېوادونو سره د افغانستان د دوه اړخيزه اړيکو پراختيا

د مخابراتو او معلوماتي ټکنالوجۍ وزیر محترم شهزاد آریوبي د سویلي افریقا دوربان ایالت ته د خپل رسمي سفر په ترڅ کې په داسې حال کې چې د آترا ادارې مرستيال محترم سيلاب اميري يې ملتيا کوله، د ITU نړیوال کنفرانس به څنډه کې د مخابراتو نړيوالې اتحاديې “ ITU” سکرتر جنرال د معلوماتي ټکنالوجۍ د څانګې رئيس د پُست نړيوالې اتحاديې “UPU” سکرتر جنرال، د آذربایجان د معلوماتي ټکنالوجۍ مرستیال وزیر او د انګلستان د بهرنیو چارو وزارت په مشري د پارلماني پلاوي سره ولیدل.

په دغه ناستو کې د مخابراتو او معلوماتي ټکنالوجۍ وزیر، د اړوندو مسؤولينو سره د دوه اړخیزه اړیکو پر ټېنګښت، په ټوله کې د معلوماتي ټکنالوجۍ پر پراختیا او د ITU 2018 کال د ټاکنو په اړه مفصلې خبرې وکړې.